உணவும் உடல்நலமும்

                                          உணவும் உடல்நலமும்

சத்துள்ள உணவுகளை மாற்றி, மாற்றி சரியானவிகிதத்தில் கலந்து சரியான அளவுக்குள் உண்பதை கட்டாயமாக்கிக் கொள்வதால் உடலின் ஆரோக்கியம் மேம்படும். ஆரோக்கியமான வாழ்க்கைக்கு தினசரி  உணவில் கார்போஹைட்ரேட், புரோட்டீன், கொழுப்பு, வைட்டமின்கள், தாதுக்கள், நார்ச்சத்து என எல்லா சத்துக்களும் கலந்திருக்க வேண்டும்.

இளமையில் துடிப்பாகவும், குடும்பத்தகராறு, நிதிப்பிரச்சினை, தொழில்ப்பிரச்சினை, போன்ற வைகளால் ஏற்படும் மனஅழுத்தத்தை சமாளிக்கவும், முதுமையில் வலிமையாக இருக்கவும் உதவுவது அவரவர் உணவுப்பழக்கங்களே முதல் காரணமாகும்.

நாம் உண்ணும் உணவைப் பொறுத்து நமது ஹார்மோன்கள் செயல் படுகிறது.கொழுப்பை உடலில் சேர்த்து வைக்கிறோமா அல்லது எரிக்கிறோமா என்பதை அந்த ஹார்மோன்கள் தீர்மானிக்கின்றன.

உண்ணும் உணவு ஜீரணமாகி, உடலுள் சுரக்கும் பல்வேறு திரவங்களுடன் சேர்ந்து உடைந்து, துகள்களாக சிதைந்து, திசுக்களில் சக்தியாக மாறுகிறது. என்சைம்கள் (Enzyme) இந்த இரசாயன மாற்றங்களை தூண்டும் கிரியா ஊக்கியாக (Catalyst) செயல்படுகிறது. நமது ஆரோக்கியத்திற்கு கார்பன், ஹைட்ரஜன் என 50 மூலகங்கள் (Elements)  தேவைப்படுகிறது.  இவை அனைத்தும் நாம் உண்ணும் கார்போஹைட்ரேட், புரோட்டீன், கொழுப்பு போன்ற சத்துக்களிலிருந்து வளர்சிதை மாற்றங்கள் மூலம் உடலுக்கு கிடைக்கிறது.

எந்த உணவுகள் நன்மை செய்யும், எந்த உணவுகளை உண்ணக்கூடாது என்பதை கற்றுக்கொள்வது நல்லது.

உணவில் கார்போஹைட்ரேட் அதிகமாகவும், புரோட்டீன் அதற்கு குறைவாகவும், கொழுப்பு அதைவிட குறைவாகவும், தினசரி உணவில் இருக்கவேண்டும். இவை 45 : 35 : 20 என்கிற சதவிகிதத்தில் இருக்கும் போது அதை சமசீர் உணவு என்கிறார்கள்.

சமசீர் உணவு உடல் எடையை கட்டுப்படுத்துகிறது. உடலை மெல்லியதாக வைத்து ஆரோக்கியமாக்குகிறது. ஞாபக சக்தி அதிகரிக்கிறது. இருதய ஆரோக்கியத்தை மேம்படுத்துகிறது. கொழுப்பு உடலில் சேருவதில்லை. உடல் தளர்ச்சி குறைகிறது. பசியை அளவோடு வைக்கிறது.

உண்ணும் உணவுகளில் அனைத்தையும் உடலானது பயன் படுத்திக்கொள்ளவோ, தேவை இல்லாததை, அதிகமானதை வெளியேற்றவோ செய்யும்படி கண்காணித்துக் கொள்ளவேண்டும். உணவுகளிலுள்ள ஏதாவது பாகம் இரத்தத்திலோ, திசுக்களிலோ தேவைக்கு அதிகமாக சேருமானால் அதுவே நோயாகி விடுகிறது. இதனை மூன்று வழிகளில் செயல் படுத்த முடியும். ஒன்று, ஒழுங்கான மருத்துவ சோதனை. இரண்டு, ஒழுங்கான உடற்பயிற்சி. மூன்று, ஒழுங்கான உணவுக்கட்டுப்பாடு. இதில் ஏதாவது ஒன்றில் அலட்சியம் ஏற்படுமானால் கூட நோய் தவிர்க்க முடியாத தாகிவிடும்.

 உப்பு, இனிப்பு, கெட்ட கொழுப்பு போன்றவைகள் உணவில் அதிக மாகவும், கெடுதல் செய்யும் வகைகளாகவும் இருக்கிறது. உணவகங்களில் உண்ணும் போதும், குளிர்பானங்கள் மூலமும் நமக்கு தெரியாமலே, இவைகளை தேவைக்கு அதிகமாக உண்கிறோம்.

தற்போதைய உணவுப்பொருள் சந்தையில் ஆர்கானிக் உணவுப்பொருள் இன்னார்கானிக் உணவுப்பொருள் என இரண்டு வகைகளில் தாவர உணவுப்பொருட்களும், மாமிச உணவுப்பொருட்களும் அடையாளம் கூறி விற்கப்படுகின்றன.

ஆர்கானிக் உணவுப்பொருள் :-  இவ்வகை உணவுப்பொருட்களை விளைவிக்க விவசாயிகள் இயற்கை உரங்களை மட்டுமே நிலத்திற்கும், பயிர்களுக்கும் உபயோகிக்கிறார்கள். பயிர்களை தாக்கும் புழுக்களை அழிக்க அவைகளை தின்னும் பூச்சி களையும், பறவைகளையும் வளர்க்கிறார்கள். நோய்களை தடுக்க இயற்கையான மருந்துகளை உபயோகிக்கிறார்கள். களைகள் வராமலிருக்க பயிர் சுழற்சிமுறைகளை கையாளு கிறார்கள்.  எந்த வகையிலும் பயிர்களுக்கு இரசாயனங்களை உபயோகிப்பதில்லை. மனிதர்கள் உண்ணும் உயிரினங்களை வளர்க்க ஆர்கானிக் பயிர் உணவுகளையே கொடுத்து வளர்த்து சந்தையில் விற்கிறார்கள்.

இன்னார்கானிக் உணவுப்பொருள் :- இவ்வகை உணவுப்பொருட்களை விளைவிக்க விவசாயிகள் ரசாயன உரங்களையும், சின்தட்டிக் கலவைகளை பூச்சி கொல்லியாக மற்றும் நோய்க்கெதிராக பயன் படுத்துகிறார்கள். களைகள் வளராமலிருக்க சின்தட்டிக் ஹெர்பிசைட் உபயோகிக்கிறார்கள். தாங்கள் வளர்க்கும் பிராணிகளுக்கு ஆன்டிபயாடிக் மற்றும் வளர்ச்சியை துரிதப்படுத்தும் ஹார்மோன்களை கொடுத்து

வளர்க்கிறார்கள்.

மனிதனின் பலவிதமான நோய்களுக்கு இன்னார்கானிக் உணவுப்பொருட்களும் காரணம் என இப்போது அனைத்து தரப்பினரும் கூறி வருகிறார்கள். ஆர்கானிக் உணவுப்பொருட்களே ஆரோக்கியத்திற்கு நல்லது என்கிறார்கள்.

ஆரோக்கியம் இருக்கும்போதே உணவுக்கட்டுப்பாட்டை கடைபிடித்து உடல்நலத்தையும், இளமையையும் தக்கவைத்துக் கொள்ள பொதுவாக யாரும்  விரும்புவதில்லை. கண்கெட்ட பிறகே தினமும் சூரியனை பார்க்க ஆசைபடுபவர்களாக இருக்கிறோம்.

தினசரி நாம் உண்ணும் உணவில் 45 சதம் கார்போஹைட் ரேட் டும் , 35 சதம் புரோட்டீனும், 20 சதம் கொழுப்பும் இருக்கவேண்டும். ஆனால் தமிழ் நாட்டு உணவில் 70 சதம் கார்போஹைட்ரேட்டும் எஞ்சிய 30 சதம் புரோட்டீனும், கொழுப்பும் இருக்கிறது.

அதிக கார்போஹைட்ரேட் உணவுப் பழக்கத்தால் பலவிதமான நோய்கள் இளம் வயதிலேயே வந்து விடுகிறது. அதற்கென சாப்பிடும் மாத்திரை, மருந்துகளால் ஏற்படும் பக்க விளைவுகள் களால் மேலும் ஆரோக்கியம் குறைகிறது. மண் வளக் குறை பாட்டாலும், உணவுப்பொருட்களை சுத்திகரிப்பதாலும், அதிகம் குழைய வேக வைப்பதாலும் சத்துக்கள் குறைந்து போகின்றன.

விவசாயிகள் நேரடியாக விற்கும் உள்ளூர் தெருவோர கடைக் காய் கறிகளே சிறந்தது. வெளியூர் காய்கறிகள்  அதிக நாள் பாதுகாக்கப் படுவதால் அவை இயற்கை தன்மையை இழந்திருக்க கூடும்.

முழுத்தானியம், காய், கனி,  கீரை, மூலிகைகள், நட்ஸ், சீட்ஸ் போன்றவை களில் நிறைய சத்துக்கள் இருக்கின்றன.

இயற்கை உணவுகளை மனிதன் இயந்திரங்கள் மூலம் சுத்திகரிக்கும் போது பல சத்துக்கள் பிரிந்து போய் விடுகின்றன. தவிடு நீக்கிய வெள்ளை அரிசி, மைதா மற்றும் (Refined) உப்பு, சீனி, எண்ணெய்  போன்ற கெடுதல் உணவுகள், காய், கனிகள் மீது பூச்சிக் கொல்லி இரசாயனம், காய், கனிகள் கெட்டுப் போகாமலிருக்க கதிர்வீச்சு, நீண்ட நாள் கெடா மலிருக்க இரசாயனம் சேர்த்த தயார் உணவுகள் மற்றும் பானங்கள் தாராளமாய் கிடைக்கின்றன. அவை உடலுக்கு தீங்கு விளைவிக்கின்றன.
    

நாம் எதை உண்கிறோம். உடலுள் அது என்ன விளைவுகளை ஏற்படுத்துகிறது என்பதை கவனிக்க வேண்டும். ருசி என்றோ,  இருக்கிறது என்பதற்காகவோ, நிர்பந்த படுத்தினார்கள் என்றோ, வீணாகி விடும் என்றோ   கேடு விளைவிக்கும் உணவுகளை உண்ணக்கூடாது. 

கடந்த நூறு ஆண்டுகளில் உலகம் இயந்திர மயமாகி உணவு, உடை, உறைவிடம் என அனைத்திற்கும் இயந்திரங்கள் வந்து விட்டது. மனிதன் இயற்கை உணவிலிருந்து சுத்திகரிக்கப்பட்ட உணவு, பாதுகாக்கப்பட்ட உணவு, தயார் நிலை உணவு, துரித உணவு, என பல்வேறு உணவுகளை பயன்படுத்துகிறான். இயற்கை உணவை மாற்றம் செய்யாமல் உண்டு வாழ்ந்த மனிதனின் மூளை வளர்ச்சி பெறாமல் இருந்தது எனவும், நெருப்பை கையாளத்தெரிந்த மனிதன் வேகவைத்த உணவுகளை உண்ண ஆரம்பித்ததிலிருந்து மூளை வளர்ச்சி யடைந்து, இப்போது கலோரி அதிகமுள்ள உணவுகளால் மூளை வளர்ச்சி இரண்டு மடங்காகி வருவதாக கூறுகிறார்கள். மனிதனின் அறிவு வளர்ந்து கொண்டிருக்கிறது என்பதில் ஐயமில்லை ஆனால், ஆரோக்கியம் கேள்விக்குறியாகி வருகிறது. நல்ல ஆரோக்கியத்திற்கு 50 சதம் இயற்கை உணவும், 50 சதம் லேசாக வேக வைத்த உணவும் நல்லது என்கிறார்கள். பொரித்த, வறுத்த, கருகிய உணவுகள் ஆரோக்கியத்தை பாழ்படுத்தி விடுகிறது.

உணவை வீட்டில் செய்து உண்பது நல்லது. அதுவே, உடல் எடை, இரத்த அழுத்தம், கொலஸ்ட்ரால், சுகர் மற்றும் பொது நலத்துக்கு நல்லது. உணவக உணவுகள் அதிக கலோரி உடையது. வீட்டில் மூன்று வேளை உணவிலுள்ள கலோரி, ஓட்டலில் ஒரு வேளை  உணவில் இருக்கிறது. ஓட்டல் உணவுகள் சுவையாக இருப்பதினால் கலோரி பற்றி கவலைப்படாமல் அதிகம் சாப்பிட்டு விடுகிறோம்.

ஒவ்வொருவர் உடலிலும் ஏதாவது ஒரு உறுப்பு பலவீனமாக இருக்கும். தவறான உணவுகள் அந்த உறுப்பை மேலும் பலவீனப்படுத்தி நோயாளி ஆக்கி விடும்.

மது கல்லீரலையும், சிறுநீரகத்தையும் பாதிக்கிறது. உடலில் கால்சியத்தை குறைக்கிறது. மதுவில் சத்துக்கள் எதுவும் இல்லை, கலோரி அதிக மாக இருக்கிறது.

சுத்திகரிக்கப் பட்ட உணவுகள் கணையத்தை பலவீனப்படுத்தி இன்சுலின் பிரச்சினையை தருகிறது. இளைஞர் களுக்கு உடலில் கொழுப்பாக மாறி உடல் எடையை அதிகரிக்கிறது.

எண்ணையில் வறுத்த உணவுகள் இரத்தத்தில் கொலஸ்ட்ராலை அதிகப்படுத்தி இரத்தக்குழாய் களில் துகள்களாக வலம் வந்து இதயம், மூளை, பிற உறுப்புகளுக்கு இரத்த ஓட்டத்தை பிரச்சினையாக்கு கிறது.

உப்பு உணவுக்கு ருசியை தருகிறது.  அதே உப்பு உணவில் அதிக மாகும் பொழுது இரத்த அழுத்தத்தை அதிகப்படுத்து கிறது. இதனால் இதயம், சிறுநீரகம், மூளை பலவீன மடை கிறது.

இருபது வயது களில் உடல் முழுவளர்ச்சியை அடைந்து விடுகிறது. அதன் பிறகு ஒவ்வொரு பத்து வயது கூடும் போதும் உணவின் அளவையும் குறைக்கவேண்டும்.  உணவில் கட்டுப்பாடாய் இருக்க வில்லையானால் நாற்பது வயதுகளில் மாத்திரை,  மருந்து என்பது கட்டாயமாகிவிடுகிறது.  

உடல் எடையை அதிகமாக்கும் உணவுகள், உயர் இரத்த அழுத்தத்தை தரும் உணவுகள், சுகர் நோயை தரும் உணவுகள், இரத்தத்தில் கொலஸ்ட்ராலை அதிகப்படுத்தும் உணவுகள், சிறுநீரகம், கல்லீரல்  மற்றும் இதயத்தை பலவீனப்படுத்தும் உணவுகள் போன்றவற்றை இளம் வயதிலேயே தெரிந்து  உணவுப்பழக்கங்களை மேற்கொள்ள வேண்டும். ஆரோக்கிய  குறைவிற்கு உடற்பயிற்சி இன்மையும், பிறவிக்  குறை பாடுகளும், பரம்பரையும், சுற்றுப்புற சூழலும், அவரவர் விதியும் பிற காரணங்களாகும்.

எல்லா உணவுகளையும் மாற்றி, மாற்றி உண்பது நல்லது. சரியான உணவு எது, தவறான உணவு எது என தெரிந்து உண்பது நல்லது. பசுமையாக, புதியதாக செய்து உண்பது நல்லது. உள்ளூர் காய், கனி களை உண்பது நல்லது.உடல் எடை கூடாதவாறு அளவோடு உண்பது நல்லது.

                           -------------------------------------------------

ஞானிகள் சொன்னவை

                                   ஞானிகள் சொன்னவை 

மனிதன் சுகம், சொகுசை விரும்புகிறவன். சிரமங்களையும், எளிமையையும் விரும்பாதவன். தன்னை புகழ்வதை  விரும்புகிறவன். தன்மீது குற்றங்கூறுவதை விரும்பாதவன்.  அதற்காக சிந்தித்து செயல்படுபவன். 

சிலர் நியாயத்துக்கு பயந்து நடப்பார்கள். சிலர் சாமர்த்தியமாய் பேசி நடப்பார்கள்.

ஆனால், சித்தர்கள் என்பவர்கள் லௌகிக வாழ்க்கையில்அதாவது ருசியான உணவு, ஒப்பனைக்குஉடை,சொகுசான உறைவிடம் போன்ற வற்றில்   நாட்டம் கொள்ளாமல், உலகப் பொருட்களில் ஆசை கொள்ளாமல் இயற்கை யின் செயல் களையும் பிரபஞ்ச இயக்கத்தையும் இறை யின் தன்மை யையும் உணர்ந்தவர்கள். தனது  உடல் சக்தியையும், மனசக்தியையும், உயிர்சக்தியையும் வசப்படுத்திக்கொண்டவர்கள். ஆரவாரமின்றி, உறுதியாய், தெளிவாய், சக்தியாய் வாழ்ந்தார்கள்.

தனக்குள் மேற்கொண்ட சுய விசாரணையில் வைராக்கியமாய் இருந்தார்கள். தன்னுள் பிரபஞ்ச சக்தி  இருப்பதை உணர்ந்தார்கள். பற்றற்று இருந்ததினால் அவர்களுக்கு தனி சக்தி இருந்தது. உலக இன்பத்திலும், பற்றிலும் குறியாய் வாழ்ந்த மக்களுக்கு சரியான் வழிகளை சொன்னார்கள்.

                                               

எண்ணிய முடிதல் வேண்டும்

    நல்லவே எண்ணல் வேண்டும்

திண்ணிய நெஞ்சம் வேண்டும்

    தெளிந்தநல் லறிவு வேண்டும்

பண்ணிய பாவ மெல்லாம்

    பரிதிமுன் பனியே போல

நண்ணிய நின்முன் னிங்கு

    நசித்திடல் வேண்டும் அன்னாய்!!

சிவாய நம என்று சிந்தித் திருப்போர்க்கு
அபாயம் ஒருநாளும் இல்லை - உபாயம்
இதுவே(;) மதியாகும் அல்லாத எல்லாம் 
விதியே மதியாய் விடும்  

எம்பெருமான் பள்ளியெழுந் தருளாயே=என்னுள்ளே உள்ள இறை உணர்வைத் தட்டி எழுப்பச் செய், எம்பெருமானே பள்ளி எழுந்தருள்வாய், என்னுள்ளே நீ உனக்குரிய இடத்தில் அமர்வாய்.

ஈசன் அடிபோற்றி! எந்தை அடிபோற்றி!

தேசன் அடிபோற்றி சிவன் சேவடி போற்றி!

நேயத்தே நின்ற நிமலன் அடிபோற்றி!

மாயப் பிறப்பறுக்கம் மன்னன் அடிபோற்றி

சீரார் பெருந்துறைநம் தேவன் அடிபோற்றி!

எல்லாவற்றையும் உடைமையாகக் கொண்டவனின் திருவடி போற்றி.

எம் தந்தை என நின்று அருளுபவனின் திருவடி போற்றி.

ஒளி வடிவானவனின் திருவடி போற்றி.
சிவன் எனப்பெறும் செம்பொருளின் சிவந்த திருவடி போற்றி.
அன்பினில் நிற்பவனான தூயவனின் திருவடி போற்றி.
மாயப் பிறப்பினை நீக்கும் உயர்ந்தோனின் திருவடி போற்றி.
அமைப்பு சிறந்து விளங்கும் திருப்பெருந்துறையில் இருக்கும் நம் தேவனின் திருவடி போற்றி.

நமச்சிவாய வாஅழ்க நாதன் தாள் வாழ்க
இமைப்பொழுதும் என் நெஞ்சில் நீங்காதான் தாள் வாழ்க
கோகழி ஆண்ட குருமணி தன் தாள் வாழ்க
ஆகமம் ஆகிநின்று அண்ணிப்பான் தாள் வாழ்க
ஏகன் அநேகன் இறைவன் அடிவாழ்க 5

நமச்சிவாய வாழ்க. நாதன் திருவடி வாழ்க.
கண்ணிமைக்கும் நேரமும் என் நெஞ்சம் பிரியாதவனுடைய திருவடி வாழ்க.
திருவாவடுதுறை ஆண்டருளும் குருவாகிய மாணிக்கத்தின் திருவடி வாழ்க.
தானே ஆகமமாகி நின்று நமக்கு அருகில் வருபவனுடைய திருவடி வாழ்க.
ஒருவனாகியும் பலவுருக்கொண்டும் இருக்கும் இறைவனின் திருவடி வாழ்க.

தென் நாடு உடைய சிவனே போற்றி
எந் நாட்டவர்க்கும் இறைவா போற்றி

தென் நாட்டை உரிமையாக கொண்ட சிவனே போற்றி

எந்த நாட்டில்வாழ்பவர்க்கும் இறைவனாக இருப்பவனே போற்றி

நமப் பார்வதி பதையே
அரகர மகா தேவா

பார்வதியின் கணவன் என்ற பெயரால் அழைக்கப்படுபவனே

மறைகளின் (வேதங்களின்) தலைவனே

இட்டமுடன் என்தலையில் இன்னபடி என்றெழுதி

விட்டசிவ னுஞ்செத்து விட்டானோ – முட்டமுட்டப்

பஞ்சமே யானாலும் பாரமவ னுக்கென்னாய்

கொஞ்சமே அஞ்சாதே நீ.

நெஞ்சமே! பெரும் பஞ்சமே ஆனாலும் அஞ்சாதே. இதுதான் உனக்கு என்று தலையில் எழுதிய சிவன் சாகவில்லை. காப்பான்.

தன்னை அறிய தனக்கொரு கேடில்லை
தன்னை அறியாமல் தானே கெடுகின்றான்
தன்னை அறியும் அறிவை அறிந்தபின்
தன்னையே அர்ச்சிக்க தானிருந்தானே.

மனிதன் தன்னுள் இருக்கும் சக்தியை தேடாமல், உலகப்பொருட்களை தேடி தவிக்கிறான்.அதிலிருந்து மீண்டுவரமுடியாத சிக்கலில் மாட்டி, ஒரு நாள் மாய்ந்து போகிறான்.சுயவிசாரணை செய்து தன்னை அறிந்தவன் நியாயத்தை முன்வைத்து வாழ்கிறான் என்கிறது இப்பாடல்

தானே தனக்குப் பகைவனும், நண்பனும்
தானே தனக்கு இம்மையும்,மறுமையும்
தானே தனக்கு வினைப்பயனும்,தூய்ப்பானும்
தானே தனக்கு தலைவனும் ஆமே.

மனிதன் தனது விருப்பு அல்லது வெறுப்பினால் செயல் படுகிறான். அது சரியா,தவறா என்பதை நியாயம் கவனிக் கிறது. தனது  தவறை உணர்ந்தவன் சரியாகி விடுவான். தனது தவறை எண்ணி சரணடைந்தவன் மன்னிக்கப் படுவான். தனது தவறுகளுக்கு பரிகாரம் செய்தவன் கர்மவினைகளிலி ருந்து விடுவிக்கப் படுவான், தவறு செய்து திருந்தியவன் தன்னை சரியான படி நிர்வகித்துக்கொள்வான் அதுவே நியாயத்தின் சக்தி என்கிறது இப்பாடல்


உடம்பினை முன்னம் இழுக்கு என்று இருந்தேன்
உடம்பினுக்கு உள்ளே உறுபொருள் கண்டேன்
உடம்புளே உத்தமன் கோயில் கொண்டான் என்று
உடம்பினை யான் இருந்து ஓம்புகின்றேனே

உடம்பானது ஏதாவது ஒரு வழியில் தவறு செய்து துன்பம் அனுபவிக் கக்கூடியது. அந்த உடம்பினுள் இருக்கும்  பிரகஷைக்கு வைராக்கியத்துடன் நியாயத்தை வழிகாட்டினால் அது உடலுள் தோன்றும் எண்ணங்களை சரிப்படுத்தும் (சக்திப்படுத்தும்)  என்கிறது இப்பாடல்

உரெலாங் கூடி ஒலிக்க அழுதிட்டுப்
பேரினை நீக்கிப்  பிணமென்று பேரிட்டு
சூரையங்காட் டிடை க்கொண்டு போய்ச்சுட்டிட்டு
நீரினில் மூழ்கி நினைப்பொழிந்தார்களே.

உடலிலிருந்து உயிர் பிரிந்ததும் வேண்டியவர்கள் எல்லோரும் கூடி, அந்த உடலுக்கு அதுநேரம்  வரை இருந்த பெயரை மாற்றி, பிணம் என்று பெயரிட்டு  பேச ஆரம்பித்து விடுவார்கள். எப்போது எடுக்கலாம் என்று நேரம் குறிப்பிட்டு, சுடு காட்டில் கொண்டுபோய் எரித்து தலைக்கு குளித்து அந்த நிமிடத்திலிருந்து மறக்க ஆரம்பித்து விடுவார்கள், என்று நியாயத்தை பெரிதாக எண்ணாமல் நானே மேலானவன் என்று நடப்பவர்களுக்கு நினைவு படுத்துகிறது இப்பாடல்

அணுவின் அணுவினை ஆதிபிரானை
அணுவின் அணுவினை ஆயிரங் கூறிட்டு
அணுவின் அணுவினை அணுக விலார்க்கு
அணுவின் அணுவினை அணுகலுமாமே

இன்றைய விஞ்ஞானிகள் "ஹிக்ஸ் போஸான்"  என்று பெயரிட்டு அணுவுக்குள் இருக்கும் நுண் அணுக்களை ஆராய்ச்சி செய்து வருகிறார்கள். இதை  கடவுள் துகள்கள் என்று  கூறுகிறார்கள். கண்ணுக்கு தெரியாத இந்த நுண்துகள்கள் மலையையும்,கடலையும்,பூமியையும்,பிரபஞ்சத்தையும் ஊடிருவி நிறைந்திருக்கின்றன. நாம் அதனுள் மூழ்கியிருக்கிறோம். நம்முள் அது நிறைந்திருக்கிறது என்பது தற்போதைய விஞ்ஞான ஆராய்ச்சியின் கண்டு பிடிப்பு. இதை சிந்தனை மூலம் அன்றே உணர்ந்து பாடல் எழுதினார்.  நியாயமாய் நடக்க வேண்டும் என்று அதில் உண்மையாய் இருப்பவர்களின் சிந்தனைகள்  மட்டுமே சக்தியாய் மாறி  இறைவனை அணுக வைக்கும், என்கிறது இப்பாடல்

மனமது செம்மையானால் மந்திரம் செபிக்க வேண்டா
மனமது செம்மையானால் வாயுவை உயர்த்த வேண்டா
மனமது செம்மையானால் வாசியை  நிறுத்த  வேண்டா
மனமது செம்மையானால் மந்திரம்  செம்மையாமே

நானே மேலானவன், சுயநலம், பொறாமை, பொய் போன்றவை தவறு செய்ய வைத்து கர்ம த்தை ஏற்படுத்தும். இம்மாதிரி எண்ணங்களை மனதி லிருந்து அப்புறப்படுத்தினால், அறம் மேலோங்கி  மனம் சுத்தமடையும்.  அவ்வாறு சுத்தமடைந்த மனம் மந்திரங்களை சொல்லாமலே தெய்வசக்தி பெறும். சுத்தமான மனதிற்கு  மூச்சினை உயர்த்தி,அடக்கி ஆகிய பிராணயாம பயிற்சிகள்  தேவையில்லை.சுத்த மான மனம் சொல்லும் மந்திரங்கள்  யாவும்  வலிமை பெற்று நற்பலனை தரும் என்கிறது இப்பாடல்.   

திருவள்ளுவர் கூறியவற்றில் சில.


1.அன்றறிவாம் என்னாது அறம் செய்க மற்றது 
   பொன்றுங்கால் பொன்றாத்துணை.

இளமையில் கடைபிடிக்கும் நல்ல குணங்கள், முதுமையில் துணையாக இருக்கும். 

2.கெடுவல் யான் என்பது அறிக தன நெஞ்சம் 
   நடுஒரீஇ அல்ல செயின்.

நியாயம் இல்லாமல் நடப்பவர்களுக்கு நிம்மதி இருக்காது.

3.ஏதிலார் குற்றம்போல் தங்குற்றம் காண்கிற்பின் 
  தீதுண்டோ மன்னும் உயிர்க்கு.

பிறர் மீது குற்றம் காண்பது போல் தான் செய்யும் குற்றங்களையும் சுய விசாரணை செய்து கொள்பவர்களுக்கு பிரச்சினைகளே இல்லாமற் போகும்.

4.அருளில்லார்க்கு அவ்வுலகம் இல்லை பொருளில்லார்க்கு
  இவ்வுலகம் இல்லாகி யாங்கு.

பணம் இல்லாதவர்களுக்கு  இவ்வுலகில் நிச்சயம் மகிழ்ச்சி இல்லை என்பது போல்,  ( தன் மீது அன்புகாட்டுபவர் களிடம் பரஸ்பரம் அன்புகாட்டும் ) அருள் இல்லாதவர்கட்க்கு அவ்வுலகில் மகிழ்ச்சி இல்லை.

5.இயற்றலும் ஈட்டலும் காத்தலும் காத்த 
  வகுத்தலும் வல்ல தரசு.

வருமானம் வரும் உழைப்பை மேற்கொண்டு, பணத்தை சம்பாதித்து ,திட்ட மிட்டு செலவு செய்து, சேமித்து, சேமித்த பணத்தை முதலீடு செய்து, அதை காப்பாற்றி, கடமைகளை செய்வது சிறப்பு. 

6.கற்க கசடறக் கற்பவை கற்றபின் 
   நிற்க அதற்குத்  தக. 

கற்ப வற்றில் உண்மை என்று உணர்ந் தவைகளை வாழ்க்கையில் கடை பிடிக்காவிடில் கற்றது வீண்.

7.எப்பொருள் யார் யார் வாய்க்  கேட்பினும் அப்பொருள் 
மெய்ப் பொருள் அறிவு.

யார் எதை சொன்னாலும் அதை சரியாக விசாரித்த பிறகே நம்பவேண்டும்.

8.இடிப்பாரை இல்லாத் ஏமரா மன்னன் 
  கெடுப்பார் இலானும் கெடும்.

தன்னுடைய குற்றங்களை தட்டிக்கேட்டு அறிவுரை கூற ஆள் இல்லா விட்டால்,பெரிய திறமை சாலியும் கெடுக்க யாரும் இல்லையானாலும் தானே கெட்டுப் போவான்.

9.செய்தக்க அல்ல செயக்கெடும் செய்தக்க 
    செய்யாமை யானும் கெடும்.

செய்யக்கூடாததை செய்வதால்  கெட்டுப் போவான்.செய்ய வேண்டியதை செய்யாமல் போனாலும் கெட்டுப்போவான்.

10.வேலன்று வெற்றி தருவது மன்னவன் 
    கோலதூஉம் கோடா தெனின்.

பொறாமை, பழிக்குப்பழி  வெற்றியை தராது. கடமை, நியாயங்களில் நேர்மையாய் நடப்பதே வெற்றியாகும்.

பட்டினத்தார் கூறும்  அறிவுரை.

 ஒன்றென்றிரு தெய்வம் உண்டென்றிரு உயர் செல்வமெல்லாம் 
அன்றென்றிரு பசித்தோர் முகம்பார் நல்லறமும் நட்பும் 
நன்றென்றிரு  நடு நீங்காமலே நமக்கு இட்டபடி 
என்றென்றிரு  மனமே உனக்கு  உபதேசமிதே .


தெய்வம் ஒன்றுதான் உண்மையில் உயர்ந்தது. பணம் தான் உயர்ந்தது என்று தெரியும் போது குணம் இல்லாமல் போய்விடும். பிறர் கஷ்ட காலங்களில் இயன்றதை செய்வதும், கடமை என்னும் அறனிலும், நட்பு என்னும் ஒற்றுமையிலும் அக்கறையாய் இருப்பதும் தெய்வ வழிபாட்டிற்கு சமமாகும். நியாயமாய் நடப்பதில் பிடிவாதமாய் இருப்பதால் அதனால் வரும் லாப, நஷ்டங்கள் நன்மை செய்யும் என்பது பட்டினத்தார் உபதேசம்.

பத்திரகிரியார்  உபதேசம் 

ஆங்காரம் உள்ளடக்கி ஐம்புலன்ச் சுட் டெரித்துத் 
தூங்காமல் தூங்கிச்  சுகம் பெறுவ தெக்காலம்.
பேய் போல்திரிந்து பிணம்போல் கிடந்து பெண்ணைத்
தாய்போல் நினைத்து தவம் முடிப்பது எக்காலம்.

நானே மேலானவன் என்னும் அகந்தையை அடக்கி, ஐம்புலன்களும் ஏங்கும் ருசி, பாராட்டு, அழகு, சாமர்த்திய பேச்சு, சொகுசு  போன்றவைகளை மனதிலிருந்து நீக்கி செத்தவரை போல் திரிய பயிற்சி செய்து அதில் சுகம் காணு  மனமே என்று பத்திரகிரியார் உபதேசிக்கிறார். 

மகாத்மா காந்தி கூறியது.

மனிதன் தவறு செய்யக்கூடியவன்.
தான் செய்யும் குறை, குற்றங்களை அறியாதவன் குருடன்.
பிறரை சார்ந்து வாழவேண்டியதை அறியாதவன் மூடன்.
சுதந்திரம் உரிமை. உரிமையை மதிக்க வேண்டியது கடமை.
மயக்கம் காப்பாற்றாது. நம்பிக்கைதான் காப்பாற்றும்.

 ஸ்ரீ ரமண மகர்ஷி கூறியது.

ஆத்திரத்தோடு பார்க்கும் போது நிரபராதி குற்றவாளியாய் தெரிவான்.
அனுதாபத்தோடு பார்க்கும்போது குற்றவாளி நிரபராதியாய் தெரிவான்.

ஆசை குறைந்தால் லாபமும் குறைவு, பாவமும் குறைவு.
ஆசை அறத்தை புறக்கணிக்கும்.

தவறை உணர்ந்தால் தவறு பாதியாக குறையும்.
தவறை நியாயப் படுத்தினால் தவறு இரட்டிப்பாக வளரும்.
  

ஒரு குற்றவாளியை உண்மைகளை மறைத்து நிரபராதி ஆக்கிவிடுவதும், ஒரு பாதிக்கப் பட்டவனை சாமர்த்தியமாய் பேசி குற்றவாளி ஆக்கி விடுவதும்   மனிதர்களால் மட்டுமே இயலும். பூவினை சேதப்படுத்தாமல் தேனை உண்டு வாழும் வண்டினைப் போல், மனிதனும் உலகை சேதப் படுத்தாமல் வாழ வேண்டும். சிறிது உணவைக் கண்ட காகம் பிற காக்கைகளுடன் சேர்ந்து உண்ணுவதைப்போல மனிதனும் பிறருடைய தேவை, உரிமைகளை பரஸ்பரம் மதித்து வாழவேண் டும். இதனால் உலகம் வளமாய் இருக்கும். உயிரினங்கள் நிம்மதியாய் வாழும். இதையே அனைத்து சாதுக்களும் ஒருப்போல் கூறுகிறார்கள். 

உயர் இரத்த சுகர்

                                            உயர் இரத்த சுகர் 

உடலில் கணையம் என்கிற ஒரு சுரப்பி வயிற்றின் பின் பாகம் இருக்கிறது. இது ஜீரணத்துக்கு தேவையான ஒரு என்சைமையும்( Enzyme ), இரத்தத்திற்கு வரும் இன்சுலினையும் ( Insulin ) சுரக்கிறது. 

உண்ணும் உணவானது உடலுள் பல இரசாயன மாற்றங்களை அடைந்து உடலை இயக்கும் சக்திக்கும், உடற் கட்டுக்கும்  உடல்  பராமரிப்புக்கும், உடல் வளர்ச்சிக்கும் ஆதாரமாய் மாறுகிறது. இதை வளர்சிதைமாற்றம் (Metabolism) என்கிறார்கள். இந்த செயல்  எல்லோருக்கும் ஒரே மாசீனி திரியாக இருப்பதில்லை. ஒவ்வொரு வருக்கும் ஒவ்வொரு அளவாய் மாறி இருக்கிறது. உண்ணும் உணவின் ஒரு பகுதி குளுக்கோசாக மாறுகிறது. குளுக்கோசானது சுகர் வடிவத்தில் இரத்தத்தில் காணப்படுகிறது. உடலுள் குளுக்கோஸ் எரிபொருளாக இருக்கிறது. நாம்  உண்ணும் சீனி, அரிசி, கோதுமை, உருளைகிழங்கு, பழங்கள், இனிப்புகள்  போன்றவை உடலில் குளுக்கோஸாக மாறுகிறது. 

இரத்தத்தில் இந்த குளுக்கோசை, கணையம் சுரக்கும் இன்சுலினானது சுமந்து கொண்டு திசுக்களைப் போய் அடைகிறது. கணையமானது போதுமான அளவு இன்சுலினை சுரக்க வேண்டும். போதுமான அளவு இன்சுலினை கணையத்தால்  சுரக்க முடியாத நிலை வருவதை டயாபெடீஸ் (Diabetes)  என்கிறார்கள். இன்சுலின் சுரக்காததால் திசுக்கள் குளுகோஸ் கிடைக்காமல் சோர்வடைகின்றன. இரத்தத்தில் குளுக்கோஸ் சேர்ந்து விடுகிறது. இதனால் கண், சிறுநீரகம், கால், நரம்பு மண்டலம் போன்றவை  பாதிப்படைகிறது.

கணையத்தில் இன்சுலின் சுரப்பது நின்று விடுமானால் அல்லது மிகக் குறைவாக இருக்குமானால் அதை டைப்-1 (Type-1) டயாபெட்டீஸ் என்றும், கணையம் ஓரளவு சுரப்பதை டைப்-2 (Type-2) டயாபெட்டீஸ் என்றும் கூறுகிறார்கள். டைப்-1 க்கு இன்சுலினை ஊசி மூலம் உடலில் ஏற்றுகிறார்கள்.  டைப் -2 க்கு மாத்திரை சாப்பிட ச்சொல்லுகிறார்கள்.

இரத்தத்தில் சுகர் இருப்பதை பரிசோதனை மூலம் தெரிந்து கொள்ள வேண்டும். எப்போது வேண்டுமானாலும் பரிசோதித்துக்  கொள்ளலாம். பொதுவாக, காலை உணவுக்கு முன் இரத்தம் மற்றும் சிறுநீரிலும், காலை உணவு முடிந்து 2 மணி நேரத்தில் திரும்பவும் இரத்தத்திலும், சிறுநீரிலும் சுகர் பரிசோதிக்கப்படுகிறது.

காலை உணவுக்கு முன் இரத்தத்தில்     70----110  க்குள்  ஆரோக்கியமானது.

காலை உணவுக்கு பின் இரத்தத்தில்       70----140  க்குள் ஆரோக்கியமானது.

எப்பொழுது பார்த்தாலும்( Random )          70--- 140  க்குள்  ஆரோக்கியமானது.

துல்லியமாக பார்க்க  A1C TEST          6.5%----7.0%  க்குள்  ஆரோக்கியமானது.

சிறு நீரில் சுகரை கலர் மாற்றத்தை வைத்து நிர்ணயிக்கிறார்கள். இரத்த பரிசோதனையின் முடிவின்படியே சிகிச்சை தருகிறார்கள்.

A1C என்கிற இரத்த பரிசோதனை, டயாபெட்டீஸ் எந்த அளவிற்கு உடலில் கட்டுப்பாடாக இருக்கிறது என்பதை நமக்கும், மருத்துவருக்கும் தெரியப்படுத்துகிறது. இந்த பரிசோதனை இரத்த சிகப்பு அணுக்களில் எவ்வளவு சுகர் படிந்திருக்கிறது என்பதை வைத்து கணக்கிடுகிறார்கள். A1C   யின் அளவு 6,5% முதல் 7% வரைக்குள்  இருப்பது ஆரோக்கியமானது. இச்சோதனை மிகத் துல்லியமானது. இச்சோதனையை 6 மாதத்துக்கு ஒரு முறை செய்து உடற்பயிற்சி, மாத்திரை போன்றவற்றின் தாக்கத்தை அறிந்து கொள்ளலாம்.

எந்த அறிகுறியும் இல்லாமல், நீண்ட நாள் கண்டுபிடிக்கப்படாமல், சிலரது உடலில் அமைதியாக  டயாபெட்டீஸ்  இருக்கிறது

இனிப்பு வகை உணவுகள், குளிர்பானங்கள், பாட்டில் பழரசங்கள் உடல் எடை அதிகமாக காரணமாகும்.  அதிக உடல் எடை  உடலில் இன்சுலின் குறைவதற்கு ஒரு காரணமாகும். எல்லாச்சத்தும், எல்லோருக்கும் தேவை.
ருசியுள்ள உணவெல்லாம் ஆரோக்கியமான உணவல்ல. தோல் அல்லது தவிடுடன் கூடிய உணவுகளை தேர்ந்தெடுங்கள். காய், கீரை, மீன், நட்ஸ், பயிறு  வகை உணவுகள் நல்லது.

கார்போஹைட்ரேட் வகை உணவுகளுக்குத்தான் இன்சுலின் தேவை. புரோட்டீன் மற்றும் கொழுப்பு வகை உணவுகளுக்கு இன்சுலின் தேவையில்லை. இதை நினைவில் கொண்டு நாம் உணவுப் பழக்கத்தை மாற்றிக்கொண்டால் டயாபெட்டீஸ் வராமல், அல்லது வந்தபின் சமாளிக்கும் வழியாக பார்த்துக்கொள்ளலாம். கெட்டகொழுப்பு,  நல்ல கொழுப்பு வகை உணவு களையும் நினைவிற்கொள்ள வேண்டும்.


சுகர் வந்தபின், தவறாமல் மருத்துவரிடம்  பரிசோதனை, உணவுப்பழக்கம், மாத்திரை, உடற்பயிற்சி, பலவீனம் பற்றி ஆலோசித்துக்கொள்ள வேண்டியது கட்டயாமாகும். மருத்துவர் அவரவர் உடலுக்கு ஏற்றவாறு ஆலோசனை கூறுவார். டயாபெட்டீஸ்  சம்பந்தப்பட்ட நிகழ்ச்சிகளில்  கலந்துகொண்டு  புதிய  மற்றும்   பல்வேறு ஆலோசனைகளை பெறலாம்.

இரத்த சுகர் வராமல் இருப்பதற்குரிய கட்டுப்பாடுகள்.

வெள்ளை அரிசி உணவுகள், மைதா உணவுகள், சீனி உணவுகள், இவைகளை எளிமையான கார்போஹைட்ரேட்உணவுகள் (Simple Carbohydrate ) என்றும்,  தோல் அல்லது தவிடுடன் கூடிய தானியங்களை, கனிகளை, அவற்றிலுள்ள  கார்போஹைட்ரேட்டை  கடின கார்போஹைட்ரேட் ( Complex Carbohydrate  ) என்றும்  கூறுகிறார்கள்.

தோலுடன் கூடிய உணவுகளில் நார்ச்சத்து இருப்பதினால் ஜீரணம் மெதுவாகவே நடக்கும். அதனால் அவற்றிலிருந்து  சுகரானது மிகவும் மெதுவாக இரத்தத்திற்கு வருகிறது. இதனால் இன்சுலின் தேவையும் குறைந்த அளவு மெதுவாகவே தேவைப்படுகிறது.

எண்ணெய்யில்  செய்த உணவுகளை மாறிய கொழுப்பு உணவுகள் (Trans Fat Food) என்றும் கூறுகிறார்கள். இது திசுக்கள் சுகரை எடுத்துக்கொள்வதை மந்தப்படுத்துகிறது.

எளிமையான கார்போஹைட்ரேட் உணவு களுக்கு நிறைய இன்சுலின் தேவைப்படுகிறது. அவை அனைத்தையும் திசுக்கள் எரிப்பதற்கு வேர்வை சிந்தும் உடலுழைப்பும் தேவைப்படுகிறது.

மாறிய கொழுப்பு உணவுகளை அதிகம் உண்பதால் அதனால் உருவாகும் செல்களால்  இரத்தத்திலுள்ள சுகர் மற்றும்  இன்சுலினை குறைந்த அளவே பயன் படுத்த முடிகிறது. இரத்தத்தில் சுகர் அதிகரிக்க மாறிய கொழுப்பு வகை உணவுகளும்(Trans Fat Food) ஒரு முக்கிய காரணமாகும்.

தேவையான அளவு இன்சுலின் சுரந்து உடல் உழைப்பு இல்லாத  போது இரத்தத்தில் அதிகமாக இருக்கும் சுகரும், இன்சுலினும் கொழுப்பாக மாறி தோலின் அடியில் உறைந்து உடல் எடையை  அதிகரிக்கிறது. அதிக உடல் எடை பலவித ஆரோக்கிய குறைவிற்கு காரணமாகிறது.

புரோட்டீன் வகை உணவு களை  செல்கள்  பயன் படுத்து வதற்கு இன்சுலின் தேவையில்லை. எனவே தோலுடன் கூடிய கடலை, பயறு, மற்றும் பருப்பு, காய், கீரை, நட்ஸ், சீட்ஸ்,  போன்ற வைகளை மூன்று வேளை  உணவிலும் இருக்கும் படி பார்த்துக்கொள்ள வேண்டும். வெள்ளை அரிசி, மைதா மாவு உணவுகளை குறைவாக உண்ண வேண்டும்.

சீனி மற்றும் மாறிய கொழுப்பு உணவுகள் மெல்லக்கொல்லும் விஷமாகும். அவை  மனிதன் கண்டு பிடித்த இயந்திரங்களினால் தயாரிக்கப்பட்டு பல முக்கிமான சத்துக்கள் நீக்கப்பட்டு  பயன் பயன்படுத்தப்படுகிறது.

தினமும் காலையில்  திறந்த வெளியில் முப்பது நிமிடம் தடையின்றி ஏதாவது ஒரு உடற்பயிற்சிசெய்வது இரத்த சுகருக்கும், கொலஸ் டிரா லுக்கும், இரத்த அழுத்தத்திற்கும், அதிக உடல் எடைக்கும் மிகவும் நல்லது.

யாருக்கு வேண்டுமானாலும், எந்த வயதில் வேண்டுமானாலும் டயாபெட்டீஸ் வரலாம் என்பதை நினைவில் கொண்டு நல்ல உணவுகளிலும், உடற்பயிற்சியிலும் விருப்பத்தை ஏற்படுத்திக் கொள்ளவேண்டும். நோய்களை ஏற்படுத்தும் உணவுகளை தவிர்ப்பதில் உறுதி கொள்ளவேண்டும்.

                                        -------------------------------------------

   

    

உயர் இரத்த கொலஸ்ட்ரால்

                     உயர் இரத்த கொலஸ்ட்ரால் 

கொழுப்பு ஆரோக்கியத்திற்கு எதிரியல்ல. கொழுப்பு இரத்தத்தில் அளவோடு இருக்கவேண்டும். கொழுப்பு என்பது கலோரி அல்லது சக்தி யாகும். இரத்தத்திலுள்ள கொழுப்பிற்கு கொலஸ்ட் ரால் என்றும், லிபிட்ஸ்

( Cholesterol / Lipids ) என்றும் பெயர் உண்டு. இரத்தத்தில் கொலஸ்ட்ரால் என்பது கெடுதலான பொருள் அல்ல. ஆரோக்கியமாக வாழ உடலுக்கு கொலேஸ்ட்ரால் தேவைப்படுகிறது. இரத்தத்தில் மெழுகு போன்று, வழ, வாழப்  பாக இருப்பதினால் இரத்தக் குழாய் களில் இரத்தம் எளிதாய் பயணிக்கிறது.

உடலானது தனக்கு வேண்டிய கொழுப்பில் 75% ஐ உடலுள் உற்பத்தி செய்து கொள்கிறது. எஞ்சிய 25% தான் உணவிலிருந்து தேவைப்படுகிறது. எப்படியோ நாம் அதிக மான கொழுப்பை சாப்பிட்டு விடுகிறோம்.

இரத்தத்தில் இதன் அளவு அதிக மாகும் போது உடலில் மோசமான விளைவு களை ஏற்படுத்துகிறது. உடலில் கொழுப்பு குறைந்து விட்டாலும் கடுமையான  விளைவுகள் ஏற்படும்.

கொழுப்பு ஹார்மோன் உற்பத்திக்கும், நரம்பு மற்றும் திசுக்களுக்கு கவச மாகவும்,  நோய் எதிர்ப்புக்கும் அவசியமானது.

கொழுப்பு குறைபாடானது தொற்று, அனிமியா, தைராய்டு, நோய் எதிர்ப்பு சக்தி குறைவு, கான்சர் முதலியவற்றுக்கு காரணமாகும்.

கொழுப்பை குறைக்கும் மாத்திரைகள் அனைத்தும் பலவிதமான பக்க விளைவுகளை கொண்டது. 

உண்ணும் உணவினால் மட்டுமே இரத்தத்தில் கொலஸ்ட்ரால் அதிகமாகிறது. உடல் எடை,  உடற்பயிற்சி, வயது போன்றவைகளும் உடலில் கெட்ட கொழுப்பு அதிக மாவதற்க்கும், நல்ல கொழுப்பு குறைவதற்கும்  முக்கிய  காரணங்களாகும்.

இரத்தத்திலுள்ள புரோட்டீனுடன் சேர்ந்து கொலஸ் ட்ரால் பயணிப்பதினால் கொலஸ்ட்ராலை லிப்போ புரோட்டீன் ( Lipo Protein ) என்கிறார்கள். லிப்பிட்சும், புரோட்டீனும் இரத்தத்தில் வெவ்வேறு அடர்த்தியில் பயணிக்கின்றன. அதன் அடர்த்தியைப் பொறுத்து உயர் அடர்த்தி லிப்போ புரோட்டீன் (High density lipo protein -HDL ) என்றும், குறைந்த அடர்த்தி லிப்போ புரோட்டீன் (Low density lipo protein - LDL) என்றும், மிக குறைந்த அடர்த்தி லிப்போ புரோட்டீன் (Very low density lipo protein - VLDL ) என்றும் பிரிக்கிறார்கள்.

ட்ரைகிளிசிரைட்ஸ்( Triglycerides   ) என்பது  இரத்தத்தில் காணப்படும் வேறு ஒரு வகையான கொழுப்பாகும். அதனை உடல் சக்தியாக பயன்படுத்துகிறது. அது இரத்தத்தில் அளவோடு இருக்கும் போது உடல் ஆரோக்கியமாய் இருக்கும். அதிகமாகி விட்டால் பலவித ஆரோக்கிய குறைவுகளை ஏற்படுத்தும். அதைக் கட்டுப்படுத்த அதற்கென தனி மாத்திரை சாப்பிட வேண்டிவரும்.

Total cholesterol  Less than 200 mg/dL     optimum

                                         200  --  239    Border high

                                         240  --  and above High

LDL       LESS than 100mg/dL        Optimal

                               100  --129       above optimal

                               130  --  159     Border line high

                               160  --  189     HIGH

                               ABOVE  190  VERY HIGH

HDL        Above        60    mg/dL     Healthy

                                 40  --  60         acceptable

                                  Below  40       Undesirable

Triglyceride             Less than 150 mg/dL is optimum

                                             150  --  199    High

                                             200  --  499    Very high

VLDL கொலஸ்ட் ராலை அளவிட நடைமுறை வழிகள் இல்லை.அதனை Triglyceride அளவைக்கொண்டு சதவிகிதத்தில் கணக்கிட்டு கொள்கிறார்கள். VLDL அதிகமாகும் போது உயிருக்கு ஆபத்தாகிறது. மொத்த கொலஸ்ட் ராலும் HDL லும் 3.5:1 முதல் 5:1 என்கிற விகிதத்திற்குள் இருப்பது ஆரோக்கியம் என்கிறார்கள்.`

  

பொதுவாக மொத்த கொலஸ்ட்ரால் 200 க்கும் குறைவாகவும்,  ட்ரைகிளிசிரைட் 150 க்கும் குறைவாகவும், 

LDL 100க்கும் குறைவாகவும்,

HDL 60க்கும் மேலாகவும் இருக்கும் படி பார்த்துக் கொள்வது நல்லது.  

அதிகமாக செய்யும் உடற்பயிற்சி அதிக கலோரியை எரிக்கிறது. அப்போது கொழுப்பு உணவுகளை சாப்பிடவில்லை யானால் சேமிப்பிலி ருக்கும் கொழுப்பினை உடைத்து உடல் கலோரியை எடுத்துக்கொள்கிறது. சிறிய உடற்பயிற்சிகள் சேமிப்பிலுள்ள கொழுப்பினை எடுத்துக்கொள் வதில்லை.

அவை உணவிலுள்ள கொழுப்பினையே எடுத்துக்கொள்கிறது. தொடர்ந்து 20 நிமிடங்களுக்கு மேல் செய்யப்படும் உடற்பயிற்சியே சேமிப்பிலுள்ள கொழுப்பினை எரிக்கிறது. 20 வயதிற்கு மேல் உடலுக்கு கொழுப்பை எரிக்கும் திறன்  ஒவ்வொரு 10 வருடத்திற்கும் 2% குறைகிறது. எனவே வயது அதிகரிக்கும் போது கொழுப்பு உணவுகளை குறைத்துக்கொள்ள வேண்டியது அவசியமான தாகும்.

உணவிலுள்ள கொழுப்பை மூன்று வகையாக பிரித்திருக்கிறார்கள். அவை    கரையாத கொழுப்பு ( Saturated fat  ),  கரையும்    கொழுப்பு ( Unsaturated fat ), மாறிய கொழுப்பு( Trans fat  ) எனவாகும் .

கரையாத  கொழுப்பு:- பால் உட்பட அனைத்து மிருக வகை உணவுகளில், கோழியின்  தோலில் இருக்கக் கூடிய கொழுப்புகள் சூட்டில் உருகும் தன்மை யும், இரத்தத்தில் உறைந்து கட்டியாகும் தன்மையும்  உடையது. இவை நாட்பட இரத்தத்தில் அதிகமாகும் போது இரத்தக்குழாய் களின் சுவரில் தங்கி நாளடைவில் இரத்த வழியினை அடைக்க ஆரம்பிக்கிறது. இதனை குறைக்காமல் விட்டால் மாரடைப்பு, பக்கவாதம், ஹெமரேஜ், சிறுநீரக பாதிப்பு  போன்றவை ஏற்பட காரணமாகும்.

மிருக இறைச்சி, கோழியின் தோல்,கொழுப்புடைய பால் போன்ற வற்றில்     கரையாத  கொழுப்பு  உள்ளது. தோல் நீக்கிய கோழி உணவு,கொழுப்பு நீக்கிய பால் உணவு சிறந்தது.

 கரையும்   கொழுப்பு :- நட்ஸ், சீட்ஸ், மீன் போன்ற வற்றிலுள்ள கொழுப்பானது இரத்தத்தில் உறையாது. பாலி, மோனோ ( Poly unsaturated fat, Mono unsaturated fat )என இருவகையானது. பாலியில் ஒமேகா-3, ஒமேகா-6, ஒமேகா-9 ( Omega-3,6,9 ) என்கிற பிரிவுகளிலும் கொழுப்புகள் இருக்கிறது. இவ்வகை கொழுப்புக்களை உடலால் உற்பத்தி செய்யமுடியாது. உணவு களிலிருந்து தான் உடல் பெறவேண்டியிருக்கிறது. மூளை வளர்ச்சிக்கும், தோல், முடி, எலும்பு, ஆரோக்கியத்திர்க்கும், கெட்ட கொழுப்பு குறைவதற்கும்,  நல்ல  கொழுப்பு  கூடுவதற்கும்,  ஜீரணத்தில்  வைட்டமின் A D E & K கரைவதற்கும் இந்த கொழுப்புகள் அவசியப்படுகிறது.

              பாலி  கரையும்     கொழுப்புகள்:-வால்நட், பூசணி விதை, ஆழிவிதை 

             மோனோ  கரையும்   கொழுப்புகள் :-ஆலிவ்ஆயில்,  பாதாம்,  பிஸ்தா,  

              ஒமேகா -3 :- ஆழிவிதை, வால்நட்,  மீன் எண்ணெய்

              ஒமேகா -6:-ஆலிவ் ஆயில், கீரை, பயறு, முழுத்தானியங்கள்.  

மாறிய கொழுப்பு :- தேங்காய், எள், வேர்க்கடலை, சூரியகாந்தி என பலவித மான தாவர எண்ணெய்களை பயன் படுத்துகிறோம். எண்ணெய்களை அதிகமாக  சூடு படுத்தும் போது அதனுடைய குணநலன்கள் மாறிவிடு கிறது. இரத்தத்தில் LDLஐ அதிகரிக்க செய்து, HDL ஐ குறைத்து விடுகிறது. எனவே இது மிகவும் மோசமான கொழுப்பாகும்.திசுக்களின் சுவர்களை கடினமாக்கி இனிப்பை திசுக்கள் ஜீரணிக்கமுடியாதபடி செய்கிறது. இதனால் இரத்தத்தில் சுகர் அதிகமாகிறது. கொதிக்கும் எண்ணெய்யில் செய்யப்படும் அனைத்து உணவுகளும் மாறிய கொழுப்பு உணவுகளே. வியாபார நோக்கில் அதே எண்ணெயை திரும்ப, திரும்ப சூடு படுத்தி உணவு தயாரிக்கிறார்கள். பாஸ்ட் பூட், காரம், இனிப்பு, வறுத்த, பொரித்த, சுட்ட  உணவுகள் அனைத்தும் LDL / Triglyceride  ஐ அதிகப்படுத்தும் உணவுகளாகும்.  

சில குறிப்புகள் 

தற்போது உண்ணும் உணவுகளை மதிப்பீடு செய்யுங்கள்.

உண்ணக் கூடிய உணவுகளையும், உண்ணக்கூடாத உணவுகளையும் தெரிந்து புதிய உணவு ப்பழக்கத்திற்கு மாறுங்கள்.சரியான பாதை ஆரோக்கியத்திற்கு நல்லது.உங்கள் ஒத்துழைப்பே முக்கியம்.

ஓட்ஸ் போன்ற நார்ச்சத்து உணவுகள் நல்லது.

காய்,கனிகளில் கொழுப்பு கிடையாது.

நட்ஸ்,சீட்ஸ் -ல் நல்ல கொழுப்பு இருக்கிறது. பச்சையாக உண்ணுவது நல்லது.

ஆழிவிதை, வால்நட், பாதாம், திராஷை விதை,முழு வேர்க்கடலை,எள் நல்லது.

கொழுப்பு உணவாகிய பால், இறைச்சி, கோழியின் தோல், வறுத்த, பொரித்த உணவுகளை தவிர்த்து விடுங்கள். கடையில் வாங்கி உண்ணாதீர்கள்.

கொழுப்பு நீக்கிய பால் கிடைத்தால் எடுத்துக்கொள்ளலாம்.

ஆலிவ் ஆயிலை பச்சையாக உண்ணுவது நல்லது.

சமையலுக்கு நல்லெண்ணெய்,தேங்காய் எண்ணெய்  பயன்படுத்தலாம்.

தினசரி நடை பயிற்சி நல்லது.
                                  -------------------------------------------

     

  

உயர் இரத்த அழுத்தம்

                                          உயர் இரத்த அழுத்தம் 

இரத்தம் உடல் முழுவதும்  பாய்ந்து சென்று அனைத்து திசுக்கழுக்கும் உணவினை வழங்கு கிறது. இரத்தம் உடல் முழுவதும் பயணிக்க இரத்தத்திற்கு அழுத்தம் ( Pressure ) தேவைப்படுகிறது. இரத்தத்திற்கு அழுத்தம் ஏற்படஇருதயம் ஒரு பம்பை ( Pump )  போன்று வேலை செய்து இரத்தத்திற்கு அழுத்தத் தினை தருகிறது.

இருதயம் சுருங்கி, விரிந்து வேலை செய்து இரத்தத் திற்கு அழுத்தத் தினை தருகிறது. இருதயம் சுருங்கும் போது இரத்தத் திற்கு அழுத்தம் கிடைத்து வெளியேறுகிறது. அந்த அழுத்தத்தினை சிஸ்டோலிக் அழுத்தம் (Systolic Pressure) என்கிறார்கள். இருதயம் விரிவடையும் போது ஒரு அழுத்தத்தில் இரத்தம் உள்ளே வருகிறது. இதனை டயஸ் டோலிக் ( Diastolic Pressure ) என்கிறார்கள்.

                                                   Systolic Pressure                        Diastolic Pressure        

ஆரோக்கியமானநிலை       120--    mm/Hg குறைவாக    80--  mm/Hg  குறைவாக

ஏறும் நிலை                            120-139  ''                               80-89    ''           

உயர் அழுத்தம் நிலை -1      140-159  ''                               90-99     ''          

உயர் அழுத்தம் நிலை -2      160----   ''   க்கு மேல்             100----  ''    க்கு மேல்

250/115 என்று இரத்த அழுத்தம் இருக்குமானால், அல்லது ஏதாவது ஒன்று அதிகம் இருக்கு மானால் கூட உடனடியாக அவசர சிகிச்சை பெறவேண்டும்.அல்லது பக்க வாதம் ( Stroke ) மாரடைப்பு ( Heart Attack ) போன்ற விளைவுகள் ஏற்பட காரணமாகும்.

120/80 என்றிருப்பது ஆரோக்கியமான இரத்த அழுத்தம்.

உயர் இரத்த அழுத்தத்திற்கு காரணம் உடற்பயிற்சி இன்மை, உப்பு,கொழுப்பு, புகைத்தல், சிறுநீரக நோய்,உடலுள் கட்டிகள்,இரத்த குழாய்கள் குறுகுவது போன்று பல வாறாகும்.

குறைந்த இரத்த அழுத்தத்தினால் எந்த பிரச்சினையும் ஏற்படாதவரை மருத்துவம் தேவையில்லை.குறைந்த இரத்த அழுத்தத்தினால் தலை சுற்று,வாந்தி,பேதி,உடல் தளர்ச்சி,சக்தியின்மை,போன்று ஏதாவது அசாதாரண நிலை ஏற்படலாம். 85/55-ல் கூட ஒருவர் ஆரோக்கியமாய் இருக்க முடியும்.

உயர் இரத்த அழுத்தம் எந்த அறிகுறியையும் காட்டாமல் பெரும்பாலும் அமைதியாகவே இருக்கும்.

உயர் இரத்த அழுத்தம் இருதயம்,மூளை,சிறுநீரகம்,கண் போன்ற உறுப்புக்களை பாதிக்கிறது.

வயது ஆக,ஆக உயர் இரத்த அழுத்தமும் ஆபத்தான தாக இருக்கும். தினசரி தீவிர உடற்பயிற்சியினால் இரத்த அழுத்தத்தை கட்டுப்படுத்தலாம். உடற்பயிற்சி BP மாத்திரை க்கு சமமாக இரத்த அழுத்தத்தை குறைக்கும். திறந்த வெளியில் இருபது நிமிடம் நிறுத்தாமல் தொடர்ச்சி யாக செய்யும் நடை,ஓட்டம்,ஜாகிங், நீச்சல் போன்ற பயிற்சிகள் இருதய தசைகளை வலுப்படுத்தி இரத்த அழுத்தத்தை குறைக்க  உதவுகிறது.வேர்வை உடலில் உள்ள உப்பை வெளியேற்றுகிறது. 

மனஅழுத்தம் இருதய தசைகளை பலவீனப்படுத்தி இரத்த அழுத்தத்தை அதிகரிக்கச் செய்கிறது.

சோடியம் அல்லது உப்பு இரத்த அழுத்தத்தை அதிகரிக்கச் செய்கிறது.உடல் ஆரோக்கியத்திற்கு தினசரி 3 கிராம் உப்பே போதுமானது.ஆனால் நாம் தினசரி 10 கிராம் உப்பிற்கு மேல் சாப்பிடுகிறோம்.வெளியில் வாங்கி உண்ணும் அனைத்து உணவு மற்றும் பானங்களிலும்  அளவுக்கு அதிக மாகவே உப்பு சேர்க்கிறார்கள்.சுத்திகரிக்கப்பட்ட பொடி உப்பை ( Table salt ) விட,சுத்திகரிக்கப் படாத. தாதுக்கள் நிறைந்த கடல் உப்பு  சிறந்தது.   

மக்னீசியம்,பொட்டசியம்,போன்ற சத்துக்கள் இரத்த அழுத்தத்தை குறைக்கச் செய்கிறது.

கால்சிய குறைபாடு இரத்த அழுத்தத்தை அதிகரிக்கச் செய்கிறது.

வைட்டமின் பி 3, நியாசின் போன்றவை இரத்த அழுத்தத்தை குறைக்கிறது.

கெட்ட கொழுப்பு உணவுகள் இரத்த அழுத்தத்தை அதிகரிக்கிறது.அந்த வகை உணவுகளை தவிர்த்து விட்டு நல்ல கொழுப்பு உணவுகளை உண்ண வேண்டும்.

அளவிற்கு மீறி அல்லது தரமற்ற மதுவினை குடிப்பதால் உயர் இரத்த அழுத்தம் ஏற்படுகிறது.

பூண்டு இரத்தத்தை சுத்தப்படுத்தி,இரத்த அழுத்தத்தை குறைக்கிறது.

படபடப்பாய், பரிதவிப்பாய்,மனமுறிவாய்,ஆழ்ந்த கவலையாய், மட்டற்ற மகிழ்ச்சியாய்,ஆவேசமாய் இருக்கும் மனநிலை உயர் இரத்த அழுத்தத்தை ஏற்படுத்துகிறது.

உடற்பயிற்சி, மூச்சுப்பயிற்சி, மனஅமைதிபயிற்சி, ஆசுவாசபயிற்சி, ஒய்வு போன்ற வைகள் இரத்த அழுத்தத்தை குறைக்கிறது.

இரத்த அழுத்தத்திற்காக எடுத்துக்கொள்ளும் மாத்திரைகள் பலவிதமான பக்க விளைவுகளை ஏற்படுத்துகிறது.ஐபுப்ருபென் ( Ibuprofen )மாத்திரைக்கும், இரத்த அழுத்த மாத்திரைக்கும் ஒன்றுக்கொன்று ஆகாது.

மாத்திரை சாப்பிடுகிறேன், நடைபயிற்சி செய்கிறேன்  என்பதற்காக உப்பு, கொழுப்பு உணவுகளை சாப்பிடக்கூடாது.

மருத்துவரிடம் வேறுகாரணங்களுக்காaக சாப்பிடும் எல்லா மாத்திரை களையும் கூறி, அவர் தரும் இரத்த அழுத்த மாத்திரையை சாப்பிட வேண்டும்.

காய், கனி, கீரை, நட்ஸ், சீட்ஸ், முழுத்தானியம் என ஆரோக்கிய மான உணவுகளை சாப்பிட்டு, போதுமான உடற்பயிற்சி செய்து உறக்கம், ஒய்வு களில் கவனம் செலுத்தி உப்பு, கெட்ட கொழுப்பு உணவுகளை தவிர்த்து இரத்த அழுத்தம் குறையும் வழியை பார்த்துக்கொள்ளவேண்டும்.

                                  --------------------------------------------

 

 

   

  

உடல் அதிக எடை

                                        உடல் அதிக எடை 

உடல் எடையை வயது, பாலினம், உயரம், பரம்பரை, உணவுப்பழக்கம், உடற்பயிற்சி, போன்ற பல காரணங்கள் சேர்ந்து தீர்மானிக்கின்றன.

அதிக உடல் எடைக்கு குறைவான உடற்பயிற்சியும், அதிக மாக உண்பதும் முக்கிய காரணங்களாகும்.

ஆரோக்கியமான உடலுக்கு நல்ல கார்போஹைட் ரேட், புரோட்டீன்,நல்ல கொழுப்பு, வைட்டமின், தாதுக்கள் அடங்கிய உணவுகளையும்,போதுமான அளவு தண்ணீரையும் அருந்தவேண்டியது கட்டாயமாகும்.

ஆரோக்கியமற்ற கார்போஹைட்ரேட்,கெட்ட கொழுப்பு உணவுகளை உண்ணாமலிருக்க வேண்டும். எல்லா சத்துக்களும் உடலுக்கு தேவையான அளவு  இல்லாமலிருப்பதும் அல்லது உடல் தேவையை மீறி அளவிற்கு அதிகமாக உண்பதும் உடல் எடையை பிரச்சினையாக்கு கிறது.

கார்போஹைட்ரேட்,புரோட்டீன்,கொழுப்பு போன்ற மூன்று சத்துக்கழும் மொத்த உணவில் 40%, 35%, 25% என்கிற விகிதத்தில் இருப்பதே ஆரோக்கியத்தை காக்கும்.இதனால் உடல் எடை சமநிலைக்கு வரும்.இந்த சரிவிகித,சமநிலையை கடைபிடிக்காத உணவுப்பழக்கம் உடல் எடை மற்றும் பல்வேறு ஆரோக்கிய குறைவுக்கு காரணமாகிறது.

உடல் எடையை குறைக்க விரும்புவர்கள் உடல் எடை அதிக மாக காரணம் என்ன. எந்த வழிகளிலெல்லாம் உடல் எடையை குறைக்க முடியும் என்பதை தெரிந்து கொள்ள முயற்சிக்க வேண்டும்.பிறகு, அவற்றை நாம் தீவிரமாக கடைபிடிக்கிறோமா என்று எண்ணிப்பார்க்க வேண்டும்.

கலோரி அதிகமான உணவுகளை உண்ணாமலிருப்பதே உடல் எடையை குறைக்கும் குறுக்கு வழி.

இனிப்பு,காரம், பிஸ்கட், கேக், ஐஸ் க்ரீம், குளிர் பானம் போன்றவை உடல் எடை யை கூட்டும் . உணவு சமச்சீராக இல்லாதபோதும்,சுத்திகரிக்கப்பட்ட தானிய உணவுகளையும் ,எண்ணெய்யில்  வறுத்த தின்பண்டங்களையும்  அதிகமாக உண்பதாலும், போதிய உடற்பயிற்சி இல்லாத தாலும் உடல் எடை அதிகரிக்கிறது.

உடல் எடையை குறைக்க விரும்பு பவர்கள் காலை உணவை தவிர்க்கக் கூடாது. காலை உணவில் பழம், காய் களுடன்,முழுக்கோதுமை ரொட்டி,சப்பாத்தி, கடலை,பயறு,பருப்பு, ஓட்ஸ்,ராகி போன்ற ஏதாவது ஒரு முழுத்தானிய உணவோடு  உண்ண வேண்டும். மதியம் தவிடு நீக்காத அரிசி யுடன் மீன்,காய்,பழங்கள் உண்ணவேண்டும்.இரவில் கார்போஹைட்ரேட் குறைந்த திரவ  உணவுகளை உண்ணவேண்டும். இடை வேளைகளில் நிறைய தண்ணீர் குடிக்க வேண்டும்.இடை வேளைகளில் பசித்தால் பயிறு வகை சுண்டல்கள், நட்ஸ், பழங்களை சாப்பிடவேண்டும்.

உடல் எடையின் அளவு கோலை BODY MASS INDEX ( BMI )என்கிறார்கள்.

                                         Body Weight in Kg                         Body Weight in pound x 703

Body Mass Index  =------------------------------------ or -------------------------------------------

                                 Height in Meter x  Height in Meter           Height in inch x Height in inch

BMI                     18.5--24.9   is healthy.

                           25.0--29.9    over weight                5 to 15 Kg more than normal weight

                           30.0--34.9    High risk                  16 to 20  ,,,,,,,             ,,,,,            ,,,,,

                           35.0--34.9    Very high risk           21 to 50  ,,,,,,,             ,,,,,            ,,,,,                                     40.0-- more   Extremely high risk   51+         ,,,,,,,             ,,,,,            ,,,,,

அளவான உடல் எடை, இரத்த அதிக சுகர், இரத்த அதிக அழுத்தம், இருதய நோய் போன்றவை களை தடுக்கிறது.

இடுப்பு எலும்பிற்கு மேலுள்ள( பூமிக்கு இணையான = Parallel to earth) வயிற்றின் சுற்றளவு, மூச்சு முழுவதையும் வெளியேற்றிய ஆசுவாசமான  நிலையில், பெண்களுக்கு 35'' க்கும் ,ஆண்களுக்கு 40'' க்கும் மேற்படாமல் இருப்பது நல்லது.  

தீவிர உடற்பயிற்சி உடலில் தேங்கியிருக்கும் கொழுப்புக்களை எரித்து உடல் எடையை குறைக்கிறது.உணவுக்கட்டுப்பாடு உடலில் மேலும் கொழுப்பை சேர்க்காமலிருக்கிறது. இதைத் தவிர உடல் எடையை குறைக்க மாத்திரையோ, மந்திரங்களோ கிடையாது.

பட்டினி இருப்பதோ, ஜிம்மிற்கு போவதோ, உடற் பயிற்சி இயந்திரங்களோ தேவையில்லை.அவரவர் விருப்பப்படி நடைபயிற்சி,சைக்கிள், ஜாக்கிங், நீச்சல் என ஏதாவது ஒன்றையோ,  சேர்த்தோ செய்யலாம். ஆனால், தினசரி காலை பயிற்சியினாலும், உணவு கட்டுப்பாட்டினாலும்  மட்டுமே உடல் எடை குறைய வாய்ப்பிருக்கிறது.

உணவுப்பழக்கங்களை மாற்றி படிப்படியாகவும்,பாதுகாப்பாகவும் உடல் எடையை குறைப்பதே ஆரோக்கியத்திற்கு நல்லது.ஒரு வாரத்திற்கு அரை கிலோ விற்கு மேல் குறைக்காமலிருப்பது நல்லது.

சில குறிப்புகள் 

எடை குறைப்பு என்பது சவாலானது. வைராக்கியத்தால் மட்டுமே முடியும்.

உங்கள் மருத்துவரிடம் ஆலோசனை கேளுங்கள்

நீங்கள் தினமும் உண்ணும் உணவுகளை ஒரு நோட்டில் எழுதி வாருங்கள்.

கடை சாமான் வங்க போகுமுன் லிஸ்ட் எழுதி, அதனை மட்டுமே வாங்குங்கள்

பசியோடு இருக்கும் போது கடைக்கு போகாதீர்கள்

லேசாக பசி எடுக்கும் போதே சாப்பிட்டு விடுங்கள். பசிஅதிகமானால் எதையாவது சாப்பிட தோன்றும்.

இனிப்பு உணவும்,கொழுப்பு உணவும் உடலில் சேமிக்கப்பட்டு உடல் எடை கூடும்.அதுமாதிரி உணவுகளை தவிர்த்தே ஆகவேண்டும்.

சாப்பிட ஆசை வந்தால் கடையிலே சிறிய அளவு வாங்கி அங்கேயே சாப்பிட்டுவிட்டு வாருங்கள்.

வீட்டிற்கு  வாங்கி வந்து இருப்பில் வைத்து சாப்பிடாதீர்கள்.

பொதுவாக் இனிப்பு,காரம்,பிஸ்கட்,கேக்,என அனைத்து தின்பண்டங்களும் நல்ல ஆரோக்கியத்திற்கு கெடுதலான உணவுகள்

நார்ச்சத்து அதிகம் உள்ள உணவுகளை உண்ணுங்கள்.

உணவை சிறியதாக்கி கொள்ளுங்கள்.(சிறிய தோசை,இட்லி )

சிறந்த உணவுகள் :- கீரைகள். காய், பழங்கள், ஓட்ஸ், ஆலிவ் எண்ணெய், பாதாம்பருப்பு, ஆழிவிதை, கருவாப்பட்டை, தோலுடன் கூடிய பயறு, பீன்ஸ், புதினா, கிரீன் டீ, முழுத்தானிய உணவுகள் முதலியன .  

                            ------------------------------------------------------------

சரி விகித உணவு.

                                   சரி விகித உணவு.

 எல்லா உயிர்களும் உணவால் உயிர் வாழ்கிறது. அனைத்து வேலைகளையும்   செய்ய உணவு சக்தியை தருகிறது.நோய்களை எதிர்க்கிறது.

உணவானது உடலுக்கு சக்தி (Energy),உடல் கட்டு (Building ), உடலுக்கு பாதுகாப்பு
(protection )உடலுக்கு வித்தியாசம் ( difference ) போன்ற வற்றைத் தருகிறது.  

ஆரோக்கியமாய் வாழ பலதரப்பட்ட உணவுகளை உண்ண வேண்டும்.சத்து (Nutrition)என்பது ஒரு விஞ்ஞானம். அது உணவு மற்றும் அதை உடல் எவ்வாறு பயன் படுத்திக் கொள்கிறது என்பதை தெரிவிக்கிறது.

உணவுகளை ஜீரண உறுப்புகள் ஜீரணிக்கிறது, சிறுநீரகம், கல்லீரல், பெருங்குடல் போன்றவை உணவிலுள்ள கழிவுகளை வடிகட்டி வெளியேற்று  கிறது.  உடலுக்கு ஆறு விதமான சத்துக்கள் தேவைப்படுகிறது.

உணவு உடலுக்கு சத்தைக்கொடுக்கிறது. சத்துக்கள்  பலவகையானது. அவை  கார்போ ஹைட்ரேட்,  புரோட்டீன், கொழுப்பு, வைட்டமின், தாதுக்கள், தண்ணீர் என்பனவாகும்.

இவற்றில் உடலுக்கு கார்போ ஹைட்ரேட் அதிகமாகவும், புரோட்டீன் அதற்கு அடுத்த தாகவும், கொழுப்பு குறைவாகவும் தேவைப்படுகிறது.இந்த மூன்றி லிருந்தும்  உடலுக்கு வேண்டிய வைட்டமின்களும், தாதுக்களும் கிடைத்துவிடும்.

தண்ணீர்   :- உணவை உடைக்கவும், இரத்தத்தில் உணவை சுமந்து செல்லவும், உடலை குளிர்ச்சி யாக வைத்திருக்கவும்,கழிவுகளை ஈரமாக வைத்திருக்கவும், வெளியேற்றவும், தண்ணீர் உதவுகிறது.

கார்போஹைட்ரேட் :- உடலுக்கு முதன்மை யான சக்தியை அளிக்கிறது. சீனி, மாவுப்பொருட்களில் அதிகம் இருக்கிறது. சீனி, சிரப், ஜாம், ஜெல்லி, முதலியவற்றை  எளிமையான கார்போஹைட்ரேட்( Simple Carbohydrate) எனலாம் .இவை ஆரோக்கியத்திற்கு நல்லதல்ல. இவை இரத்த சுகரை அதிகரிக்க செய்து அதிக இன்சுலினை ஈர்க்க கூடியது. தவிடு நீக்காத அரிசி, தோல் நீக்காத கோதுமை,  ராகி, கம்பு, தினை போன்ற முழுத்தானியங்களை   சிக்கலான  கார்போஹைட்ரேட்( Complex Carbohydrate ) எனலாம். முழுத்தானியங் களில் கார்போஹைட்ரேட்டுடன், நார்ச்சத்து, நல்ல கொழுப்பு,  வைட்டமின், தாதுக்கள் போன்றவைகளும் இருப்பதினால், இவை ஜீரணமாகும் போது, இரத்தத்தில் சுகர் ஒரு சீராக ஏறி, இன்சுலினையும்  ஒரு சீராக எடுத்துக்கொள்கிறது. இவ்வகை சுத்திகரிக்கப் படாத கார்போஹைட்ரேட் தான் ஆரோக்கியத்திற்கு நல்லது. சுத்திகரிக்கப் பட்ட சீனி, அரிசி, மைதா போன்ற வற்றிலிருக்கும் கார்போஹைட்ரேட் ஆரோக்கியத்தை கெடுத்து விடுகிறது.

புரோட்டீன் :- தசை, தோல், முடி என அனைத்தும் புரோட்டீனால் ஆனது. கடலை, பயறு, பருப்பு, பீன்ஸ்,பால், முட்டை, மீன், இறைச்சி, நட்ஸ் களில் புரோட்டீன் உள்ளது.

கொழுப்பு :-நமது உடலுக்குத் தேவையான கொழுப்பில் 75% கொழுப்பை உடலே தயாரித்துக் கொள்கிறது. எஞ்சிய 25% கொழுப்புத்தான் நம் உணவிலிருந்து உடலுக்குத்தேவை.  தினசரி உணவில் சிறிய அளவு கொழுப்பே போதும்.  மிருக வகை மற்றும் தாவரவகை உணவில் கொழுப்பு இருக்கிறது. இறைச்சி, பால், நட்ஸ், சீட்ஸ், சமையல் எண்ணெய்களில்  கொழுப்பு இருக்கிறது. கொழுப்பானது நல்ல கொழுப்பு, கெட்டகொழுப்பு என இருவகையாக இருக்கிறது.நல்ல கொழுப்பு வகை உணவுகள் எவை என தெரிந்து அவைகளை உண்ண வேண்டும்.

தாதுக்கள் ( Minerals ):- உடல் வளர்ச்சிக்கு த்தேவையானது. இவை உயிர் வளர்ச்சியற்ற (Inorganic) பொருளானது. இவை உயிரினங்களால் உற்பத்தி செய்யப்படுவதில்லை. இவை நீரிலிருந்தும், மண்ணிலிருந்தும் தாவரங்களால் உறிஞ்சப்பட்டு, அந்த தாவரங்களை  மனிதனும், மிருகங்களும் உண்பதன் மூலம் உடலுக்கு தாதுக்கள் கிடைக்கின்றன. உடலுக்கு கால்சியம்,மெக்னீசியம் போன்ற தாதுக்கள் எலும்பு, பல் ஆரோக்கியத்திற்கு தேவை.இரும்பு இரத்தத்திற்கு தேவை.இதேபோல்  பலவகையான தாதுக்கள் உடலுக்கு தேவைப்படுகிறது.

வைட்டமின் :- உடலுக்கு பலவகையான வைட்டமின்கள் தேவைப்படுகிறது. நோய் எதிர்ப்பிற்கும், வலிமையான எலும்பிற்கும், கூர்மையான பார்வைக்கும்,தோல், முடி ஆரோக்கியத்திற்கும் வைட்டமின்கள் தேவைப்படுகின்றன. வைட்டமின் A, C,D,E, B குடும்பம்   என பல வகையாக இருக்கின்றன. வைட்டமின்கள் உயிர்ப்பொருளானது (Organic).

நோய் :- தவறான உணவுகளை உண்பதால் உடலுக்கு தேவையான சத்துக்கள் கிடைப்பதில்லை. அதுவே   அநேக நோய்க்கு காரணமாகிறது. வைட்டமின் குறைபாடுகள், அதிக அளவு உண்பது நோயை தருகிறது.

தினசரி மூன்று கிராம் உப்பே உணவில் சேர்த்துக்கொள்ள வேண்டும்.

தினசரி முழுத்தானிய உணவுகளை அதிகமாகவும், சுத்திகரிக்கப்பட்டதானிய உணவுகளை குறைவாகவும் சமைக்க வேண்டும். இனிப்பிற்கு நாட்டு வெல்லம், கருப்பட்டி, பனங்கற்கண்டு, தேன் முதலியவற்றையும், சீனியை குறைத்தும் உண்ணப்பழகவேண்டும்.

கொழுப்பில் 80% கரையும்  கொழுப்பும், !5%   கரையாத    கொழுப்பும், 5% மாறிய கொழுப்பும் என திட்ட மிட்டு உணவுப் பழக்கமாக  வேண்டும். எண்ணெய்யில் வறுத்த  அனைத்து உணவுகளையும் குறைத்தால் மட்டுமே இரத்தில் கெட்ட கொழுப்பு குறையும்.

தினசரி சமைத்த உணவு 50% ம், காய், கனி, நட்ஸ், சீட்ஸ் போன்றவை 50% ம் உண்ணு வதற்கு மாறிக்கொள்ள வேண்டும்.

சத்தான உணவுகளை 40:35:25(complexcarbohydrate:protein:fat) என்கிற சரிவிகிதத்தில், அளவோடு  உண்ண முயற்சிக்க வேண்டும்.

உணவில் கார்போ ஹைட்ரேட்(40%), புரோட்டீன்(30%), கொழுப்பு(25%) ஆக  மூன்றும் 40:35:25 என்கிற விகிதத்தில் இருக்கும் படி பார்த்துக்கொண்டால் உடலுக்கு தேவையான அளவு எல்லா சத்துக்களும் கிடைத்து விடும்.

சத்தான உணவுகளை குறிப்பிட்ட விகிதத்தில் உண்ண வேண்டியது அவரவர் கடமையாகவும், உறுதியாகவும், தூண்டுதலாகவும்.  இருக்க வேண்டும். 40:35:25 என்கிற விகிதத்தில் உணவுகளை உண்டுவந்தால் உடல் எடை, இரத்த சுகர், இரத்த அழுத்தம், கொலஸ்ட்ரால் என அனைத்தும் கட்டுப் பாட்டிற்குள் வரும். உடலுக்குத் தேவையான வைட்டமின், தாதுக்கள், நார்ச்சத்து அனைத்தும் கிடைத்து விடுகிறது. 

உணவில் சத்து 40:35:25 விகிதத்தில் இருக்கும் போது அளவான கார்போஹைட்ரேட் உணவால் சுகர் அதிக மாவது தவிர்க்கப்படுகிறது. கலோரி எரிக்கப்படுகிறது.சேமிப்பிலிருக்கும் கொழுப்பை செல்கள் விடுவிக்கிறது.

உப்பு இரத்த அழுத்தத்தை அதிகப்படுத்துகிறது. 

இனிப்புஇரத்தசுகரைஅதிகப்படுத்துகிறது.உடல் எடையை அதிகப்படுத்துகிறது.

கொழுப்பு இரத்தத்தில் கொலஸ்ட்ராலை அதிகப்படுத்துகிறது.

இனிப்பும்,கொழுப்பும் உடல் எடையை அதிகப்படுத்துகிறது.

உணவகங்களில் நாம் எண்ணெய்யில்  வறுத்த உணவுகளையே அதிகம் விரும்பிச் சாப் பிடுகிறோம்.

சீனியில் செய்த இனிப்பு, ஐஸ்க்ரீம்,ஜூஸ் போன்றவை களை குழந்தை களுக்கு தவறாமல் வாங்கிகொடுத்து அவர்களை பழக்கி விடுகிறோம்.

நமது தமிழ் நாட்டு உணவில் வெள்ளை அரிசி சாதம் 70% மும், கடலை, பயறு 10% மும், காய், கனிகள் சேர்த்து 10% மும் எண்ணெய்யில் வேக வைத்த உணவுகள் 10% மும் இருக்கும். 

இந்த பழக்கத்தை மாற்றி,எண்ணெய்யில் பொரித்த, வறுத்த உணவுகளையும் வெள்ளை அரிசி உணவையும்  குறைத்து, முழுத்தானிய உணவுகளையும், காய், கீரை, கனி, நட்ஸ், சீட்ஸ்   வகைகளை கூட்டியும் உண்பதால் உணவை சரிவிகித உணவாக மாற்றி உடல் ஆரோக்கியத்தை மேம்படுத்திக்கொள்ளலாம்.